Agar main tum se keh doon

Kisi kamzor lamhe mein
Agar main tum se keh doon
Ki mujhe tum se mohabbat hai
To tum yeh mat samajh lena
Ki maine sach kaha hoga
Ki aisi dilnasheen batein
Mujhe bachpan se aati hain
Meri ankhein mera chehra
Ye mera besakhta lehja
Ye sab kuchh jhooth hota hai
Magar is baar is jhooth mein
Ik sach bhi shamil hai
Mujhe tum se mohabbat thi
Mujhe tum se mohabbat hai.